طراجي بلاطو ياغور

بلاطو ياغور من بين أروع الأماكن لي كيستحقو فعلا يتزارو فالمغرب

كيتواجد علي ارتفاع 2150 متر. وراء جبل تيلمسن 3560 متر

ما يميز هدا المكان هو نقوشات صخرية والتي تعود لزمن قديم جدا تقريبا 5000 سنة قبل ميلاد كما قال أحد قطنين في هدا مكان

هاد نقوشات صخرية كان كيعبر بها الانسان لي عاش تما فترة من زمن وترك أتار ورسومات رائعة

كيعبر بها علي تقاليد و التقافة لي كان

عايشها فديك وقيتا هدشي لي خلا هاد مكان جد رائع وكترتاح فيه نفسيا

عيون كتواجد علي طول طريق وساقية دايزة من حداك ولعين قريبة ليك

رغم طريق صعبة لاكن كتبقي من بلايص لي عمرك تندم عليها يلا زرتيها خاصك تقاتل باش توصل لهدف ديالك والهدف ديالنا كان هوا بلاطو ياغور وبغيت أي واحد يوصل لهاد البلاصة واعرة ويستمع بجمالية ديالها

طراجي بلاطو ياغور

يلا بغيتي تمشي هاد بلاصة خصك تشدها من مراكش لباب غمات راه كاينة فمراكش من باب غمات عند جوج حجات اما تشد طاكسي ب 25dh حتا لاربعاء تغدوين ولا طريق تانية وهيا رخيصة كتشد نقل المزدوج من باب غمات تال أيت ورير ب 6dh ومن ايت ورير كتشد نقل مزدوج لتغدوين ب 6dh وكتقدا من تغدوين دكشي لي خاصك علا حسب وقيتا لي تبقا تما

من بعد كتشد روند روفر هي وسيلة نقل لي كتوصلك بلاطو ياغور وبتداءا من 250 درهم كورسا ويلا تشطرتي معاه يقدر ينقص ليكم ساعتين ديال طريق تال دوار وارزازت فين تحطك روند روفر 9km وباقي بيست ومن بعد

ليك من 40 دقيقة تال 1h كتشدها علي رجليك وهنتا فالبلاطو طريق باينة وممكن يوصلك روندروفر تال بلاطو ولاكن خصك تفاهم معاه من لول

يلا بغيتي تشوف نوقوس لي كاينة علا حجر راه كاينين قراب لسريج قبل متوصل لبلاطو بشي 10 دقايق

ويلا بغيتي من بعد تشدها لسيتي فاطمة طريق باينة غتهبط على تازيتونت ولا ايمين تادارت يمكنلك تبات فشي دوار قبل بحال اكودل ايركان بلاصة فيها "عزبا" بزاف ولماء موجود ويلابغيتي تزيد تشوف مناضر رائعة وخيالية تكمل ايعباسين يلا بغيتي تعرف طريق لهاد مكان خليلي شي كمونت وأنا نزيد نشرحلك أكتر