طراجي بحيرة المرواني- lake maroani
بحيرة المرواني وباللغة محلية تامروانت هي واحدة من بين أروع وأجمل البحيرات المتواجدة في المغرب حيت أصبحت تكتسي شهرة كبيرة وتستقبل عديد من زوار يوميا الدين أسهرهم جماليتها.
مما جعل الأجانب يقومون بالزيارة مكان أكتر من المغاربة الدين قد يتجاهلون هدا مكان ساحر.
مياه بحيرة صافية وباردة وتستهوي عشاق الغطس وسباحة الدين يفضلون هدوء المكان وكدالك الدين لا يعشقون عمق مياه بوجد أماكن مخصصة إليهم والاستمتاع إلي خرير مياه شلال الدي يصب في البحيرة
وتقع بحيرة المروني غير بعيد عن أكادير بين أمسكرود وأرگانة.
طراجي بحيرة مرواني
خصك تشد نقل مزدوج بشي 10dh إلي أمسكرود من تيكيوين وبضبط من قدام سوق الخميس غادي تستغرق شي 30 دقيقة حتي أمسكرود من بعد خصك تقلب علي ترونصبور ليقربك لفيلاج لي حدا تامروانت.
غادي تسول مالين الحوانت تما ف أمسكرود علي الخطافا ليكيديو "تيزكي نشرفا" ويلا كان عندك زهر تلقا داك ناس لي ساكنين فالفيلاج تيزكي نشرفا ولا تلقا ليقربك لفيلاج
من تما خصك تشدها رجل حتي لدخلة ديال الفيلاج تقريبا شي نصف ساعة ديال طريق راه تلقي واحد بلاكة مكتوبة فيها "تيزكي نشرفا" كادخل مع الدوار وكتسول علي طريق لي كدي تامروانت حداري طلع مع جبل راه مشي مغارة تيمدوين خصك تصول علي تامروانت أكد عليها راه تاولاد منطقة كاينين ليماعارفهاش فين جات صافي غاتشد الطريق لبحيرة مرواني .
بالنسبة طريقة صعيبة شوية وغاتمشي فالحجر ديال الواد تمارة رآه شي واحد علم الطريق كامل بثلاثة دلحجرات وحدة فوق وحدة علي طول طريق خصك غا تحل عينيك غادي يبانو ليك يعني فينما تلقا تلاتة ديال حجرات عرف راسك راك فطريق صحيحة ويلا ملقتهمش راك غالط فطريق مدة لي غادي تستغرقها فهاد طريق مدة ديالها 2 حتي3 سوايع نتا وجهد ديالك.
فالرجعة راك تقدر تحنسر فطرنسبور نتا وزهرك
بعض نصائح سوف تحتاجها في طريقك إلي بحيرة
✓ليقاليك نوصلك لتازنتوت ومن تما كمل علا رجليك گولو مبقيتش غادي راه كاينا واحد جبدة طريق بين تازنتوت وتيزكي نشرفا
✓إيلا كانت عندك طونوبيل ولا مطور خصك تمشي تال تيزكي نشرفا و فالفيلاج بلاصي حديتك وأراك للرجل
✓من أحسن ماتمشيش بوحدك فاش توصلو بحيرة طونت و وطلعو شوفو بحيرة 2 رآه كاينا فوقكم إيلا بغيتو تزيدو تكتاشفو
✓يلا قالك شي ولد منطقة بقي لك نصف ساعة غا زيد شي ساعة أخري من حيت هما مولفين طريق
✓خاصك توصل بكري امسكرود
✓أهم نصيحة هيا خلي بلاصتك نقية وأي حجا جبتها معاك ردها باش هكا يبقي مكان نقي وجداب
تبقي بحيرة المرواني من أجمل البحيرات التي أنعم الله على المغرب بحيت تتميز بمكانها ساحر وخلاب وهدوء المكان مما يجعلك تستمتع بجمال منضر.
***********************
***********************
0 تعليقات