طراجي أمسفران(كاتيدرال)

طراجي أمسفران(كاتيدرال)

تتوفر علي قمة أمسفران وهو جبل كبير شكل ديالو كيشبه لكنيسة وسماه المستعمر الفرنسي بكاتدرال والتي تعني الكنيسة باللغة اللاتينية ويصل علوه إلي 1868 متر فوق سطح اللأرض .

يبعد هادا جبل أو هده المنطقة عن بني ملال  ب 90km 

وعن أزيلال ب 80km، وكدالك واويزغت ب 40km و قرية تيلوكيت ب 12km 

تتميز هده المنطقة بمضايق جميلة وطيبعة خلابة ومياه عدبة وباردة والتي تجري بدون توقف وكدالك تتميز بالواد لي دايز منها ويسمي

 بواد أحصال لي منبع ديالو من جهة زاوية أحصال ومصب ديالو فبين الويدان

طريق لهاد منطقة ممتعة وبالخصوص من قمة أمسفران

منطقة صخرية وغابوية وكدالك تعتبر قبلة لهواة القفز بالمضلات.

رغم تنقل أو أطوسطوب المنعدم لاكن تبقي أمسفران  من أروع المناطق الجميلة وعند وصولك للقمة تنسي كل التعب والطريق وتشعر براحة 

طراجي  أمسفران (كاتيدرال)

يلا بغيتي تمشي لهاد بلاصة خصك تاخد طاكسي من بني ملال إلي واويزغت 25dh تقريبا شي 40km ومن واويزغت إلي تيلوكيت كدالك طكسي ب 25dh وكتبقا ليك واحد 14km لكاتيدرال مشي علي الأقدام.

ولا  من حسن خطاف مابين 10dhو15dh.

{ولاكاين واحد بلان حسن خود نقل مزدوج لزاوية أحنصال يحط فالكاتيدرال غير هو نقل حدو 14H تقدر تحنسر فتيلكويت مغاديش تلقا طرونصبور وغادي تمشي واحد 12km علي رجليك من حيت وقت طرونصبور فيكس}

 منين  توصل يمكلك تخيم تما عند حسن وكاين لما وضوء ويمكلك تطونتي ب 25dh  الخيمة ومن بعد تحرك قمة كتدرال أو مضايق

كتفيق فصبح وهنا عندك جوج خيرات إما صعود إلي قمة الكتدرال ولا تمشي مضايق أمسفران،يمكن لك دهاب إلي مضايق ولكن يجب عليك أن تكون تنصب الخيمة بسرعة وتحضير وجبة غداء تكون خفيفة  يمكن لك تمشي قبل من 2 زوالا وراه كتمشي شي 3 حتي 4 سوايع دهابا وإيابا كتمشها علي رجليك ومن أحسن تمشي عبر القنطرة (طريق علي يسار) وحاول تجنب طريق واد وفي يوم موالي يمكن لك تمشي قمة أمسفران فصباح باكر.

كتمشي مابين 2h حتا 3h ومن بعد غادي تولي ترجع من قمة خود واحد قسط ديال راحة.

تم غادي تمشي من كتدرال إلي زاوية أحنصال عليك بالنقل المزدوج قبل من 1.5h زوالا مابين 20dh و 30dh

يلا بغيتي تمشي زاوية أحنصال خصك تكون قبل 1 زوالا خصك تكون واجد من حيت أخر وسيلة نقل يلا مشات عليك خاصك تبقي تاليوم موالي شي ساعتين ديال طريق وكتزصل زاوية أحنصال.

منين توصل لزاوية سول علي رشيد باش تحط تطونتي من 20dh حتي 25dh ضرب ليك جولة بالزاوية سير مع الواد واستمتع مع راسك.

يلا بغيتي تمشي الممر الأمزيغي خصك تفطر بكري وتستعد باش دير إنطلاقة ديالك معا 6 صباحا،هز معاك الماء وتا باش تغدا الكون والخبز متنساش "تقيوتات" اللوز وزبيب حتا لكركاع غدي تمشي من زاوية أحنصال للتاغية 2 سوايع ديال مشي منين توصل للتاغية عندك 1.5h الممر الأمزيغي خصك تصول علي طريق مزيان راه كاين لي كيتلف من الأحسن شوف  شي دري صغير من دوار غادي يديك تالممر ومتنساش تهلا فيه.

طريق إلي ممر قصح حتي علي ممر أمازيغي من بعد يمكلك تهبط المضايق لي كاينين تماك من بعد رجع بحالك للتاغية إيلا مشيتي لمضايق غادير شي 1.5h فالرجعة للتاغية ويلا كان حداك ممر غدير 30 دقيقة.

منين ترجع لتاغية رتاح ودير شي عوما وسول علي لعيون لي كاينين تما من بعد رجع بحالك الزاوية أحنصال

منين تبغي ترجع بحالك من الزاوية غتشد نقل ب 40dh حتي الأزيلال كيكون اول نقل مع 6:45 ومن أحسن تمشي فلول ومن بعد كيبقو شي جوج الأخير مع 8h يلا مشاو عليك بقيتي تما حتي نهار الموالي 

عندك جوج سوايع لأزيلال ومن تما لبني ملال كاين طكسيات موجدين

ناس ديال الأطسطوب من أحسن يمشيو علي طريق افورار...بين الويدان...واويزغت...تلوكيت... أمسفران شويا كاين طرونصبور.

معلومات ستفيدك إدا أردت دهاب إلي أمسفران

✓بالنسبة طرونصبور شبه منعدم والرجوع خصك الركوب باكرا حوالي 7:00صد صباحا.

✓طريق القمة راها واضحة حوالي أربع ساعات خصك دروري دي معاك ماء الكافي خصوصا في طلوع.

✓درجة الحرارة بالليل تكون قليلة وكيكون برد .

✓كاين خبز ديال دار ب 5dh تقريبا وحتا لبيض بلدي ب 30 ريال

حطب تاهو راه موجود ومتنساش تخلي بلاصتك نقية وإدا أردت توضيح أكتر أو لديك غموض اسألني في كومنت وسوف أجيب علي تعليقك.

اقرأ المزيد من طراجيات

***********************

***********************