كيفاش نسافر فالمغرب ب 0 درهم وما معني الهيتش هايكينغ

بزاف ديال ناس كيبغيو يسافرو ولكن مكتكونش عندهم إمكانيات المادية باش يسافرو لهدا جبتلكم إحسن مواقع لي يمكن لكم تخدمو فيهم مقابل أكل وحاجات أخري لي غدي نتكلم عليهم فالأخير أولا نتكلمو علي تاريخ ديال سفر ب 0 درهم أو الاطوصطوب أو الهيتش هايكينغ

تاريخ وأسباب الهيتش هايكينغ أو الأطصطوب

فالخمسينات وبالضبط فالولايات المتحدة الأمركية، بيتي كولتناو

تخرج فنيويورك والمنطقة لي كان باغي يخدم فيها كانت بعيدة (يوما بأريزونا) والسيد مكانش عندو فلوس باش يتحرك.. هنا فاش ستخدم الهيتش هايكينغ(hitchhiking) وعاد وصلتنا صطيبا،الاطوصطوب.. وقدر يقطع مسافة تتجاوز 4023km بهاد الطريقة، بيتي كولتناو كان الهدف ديالو هو يمشي يقلب علي المستقبل ديالو.. ومن تم أصبحت قضية الهيتش هايكينغ مسألة عادية وخاصة في أمريكا بحكم مساحة البلد وتباعد الولايات تم إنتقلت إلي أوروبا تم إلي قارات أخري.

تعريف الهيتش هايكينغ

الهيتش هايكينغ هي تقافة نشأت من طرف الفئة لي معندهومش تكاليف التنقل من مكان لي أخر سواء من أجل السفر أو زيارة الأقارب أو عمل، وتم إعتراف بهده تقافة من طرف كتير من الدول، بل يوجد أماكن مخصصة وعلامات توضيحية لتتم عملية بنجاح.

غير أنه بعد توالي السنوات ضهرت جرائم تتعلق بهده تقافة وخاصة من طرف الهيتش هايكر، وتم منع هذه التقافة في العديد من الدول.

بعض المعلومات إلا كنتي غتسافر بواسطة الهيتش هايكينغ

1- كن مستعد علي أنك غا تضرب الطريق و إلا حتا لقيتي لي غا يهزك راه غا فضل منو، وممكن تخلصو إلي طلب منك فلوس لأنه من حقو.

2 -مخصوش الصاك يكون تقيل بزاف يعني ماطرييل يكون خفيف لا بالنسبة ليك نتا باش تضرب طريق ونتا مرتاح ولا بالنسبة لهاداك لي غيهزك باش متخلعوش بالثقل.

3 -خاصك تكون خافض الطريق وكلشي لي كاينة فالطراجي ديالك وخصك تكون عارف حتى فين يكملك دير الاطوصطوب

4 -هز معاك أكل والماء من نقطة وداكشي لي تحتاجو من منطقة الانطلاق ودير فبالك ممكن سائق ميوقفش باش نتا تقلب علي حانوت..

وحاول ماأمكن متطلبش من ناس أكل أو لماء لأن داك ناس حتا هما كيكونو محتاجين .

5 -المضهر" تيلعب دور كبير فخاص مضهر يكون جداب ومناسب ومن أحسن تكون ألوان فاتحة عوض لغامقة

حاول متمشيش بشي توني ديال شي فرقة ولا شي ستيل غريب .

وكذالك الاحترام وطريقة التكلم والتواصل مع الأخر خاصها تكون في محلها باش السائق يتيق فيك ويوصلك لأبعد نقطة ممكنة.

6 -وأخيرا من أفضل تسجل رقم السيارة ولا الشاحنة قبل طلوع وحاول تكون برفقة صديق وبالنسبة للبنات من الأفضل تكون برفقة إخوتها أو زوجها.

مواقع لي غادي تخليك تسافر فابور من مدينة إلي أخري

1 -فالمغرب يمكن لك تسافر من مدينة لمدينةاخري فابور ب. "auto stop" وخاصك تقلب فسيت ديال workaway وتمشي تخدم فشي مزرعة ولا هوستل لمدة نتا كتحددها مقابل الاكل والسكن أو حاجات أخري

موقع: www.workaway.info

2 -كاينة أيضا منضمة عالمية كتخدم ناس فالمزارع علي برا بنفس النضام يعني ماكلة وسكن مقابل ساعات قليلة ديال عمل ونتا لي كتختار البلد لي بغيتي تمشي ليه عن طريق هاد

الموقع: www.wwoof.net

3 -ممكن تخدم كا متطوع فبعض منضمات وكيسهلو ليك السفر خارج البلاد فاش كيبغيوك فشي بلان ولا شي حاجة بحال خيرية ولي كيسموه بسفر التطوعي المجاني.

الموقع: https://www.youthop.com

4 -بالنسبة لبنات كاينة واحد لحاجة كي سموها au pair ناس كتكون محتاجة شي شخص يقابل ليهم ولادهم وكيخلصو ليك كلشي.

هادو موقع au pair

www.aupairworld.com

أو

www.aupair.com

5 -كاين هاد الموقع كيحطو فيه وضائف يومية وشهرية لناس لي كيسافرو بزاف وهاد سيت كتخلص مبلغ بسيط باش تقيد فيه والباقي عليهم.

الموقع: www.worldpackers.com

كنتمني من أي واحد تيبغي يدير الأطوصطوب يطبق شنو قلت ويخلي صورة زوينة علي محبي الطبيعة والسفر .

وخصوصا فالمغرب راكم ماغديش تحتاجو بزاف ديال فلوس باش تسافرو وتقدرو كا تسافرو بصفر درهم خصكم غا ديرو شي بروكرام وتمشيو لمنطقة لكديرو فيها واحد عمل مقابل الاكل والسكن ومنها تكتاشفو منطقة.

***********************