طراجي بحيرة تكلمامين

بحيرة تكلمامين أو نضارات الأطلس متوسط أطلق عليها هاد اللقب نضر لتوفرها علي بحيرتين علي شكل نضارات

وهي من بين أروع البحيرات المتواجدة في المغرب التي تتواجد ضمن جماعة أكلماز أزكزا علي بعد 34km من مدينة خنيفرة وعلي علو 1800m فوق سطح البحر.

بحيرة تكلمامين جد هادئة ومزالا نقية حيت مزال موصلهاش بنادم بزاف لي جعل هاد بحيرة تكون أكتر روعة هي الغابة لي دايرة بها والتي تضم عدد كبير من قردا وعدد هائل من أنواع الأشجار.

يلا بغيتي تمشي لهاد البحيرة خصك تشد طرونصبور من خنيفرة وبالضبط من حدا التيران لي كيبعد علي المحطة ب2km تقريبا كاين طوبيس من حدا المحطة حتي امالو ب 4dh خصك تقدا دكشي لي خاصك من أمالو ولا من خنيفرة لي بغيتي.

من أمالو غادي تلقي خطافة ب 15dh لتكلمامين. مخصكش ديع وقت فحالة ملقتيش خطاف ولا مزال خصينو بلايص سير معا خطاف ديال اكلمام ازاكزا ونزل فرمبا تاع أجدير بضبط حدا جوندارم ومن تما شد طريق لتكلمامين بشي 10dh وتقدر دير اطوسطوب من رومبا ديال أجدير.

ومنين تكون جاي من اكلمام غترجع واحد 7km حتي رومبا ديال أجدير تقدر تلقا اطوصطوب ولا ترجع مع خطافا من تكلمامين غير خاصك تفيق فصباح بكري ويلا مشتي علي رجليك لرومبا تقريبا واحد ساعتين ديال طريق.

الحطب راه موجوود الماء حتي هو كاين العين ديال الله وكاين بير مقابلو مقدم تاع المنطقة.

نصائح مهمة يجب عليك معرفتها قبل دهاب إلي تكلمامين

✓ديو معاكم البيدوات كاين بئر تما وقريب رآه ماء ديالو نقي وصافي.

✓بالنسبة ريزو راه كاين ومن أحسن خودو نمرة ديال خطاف لي جابكم باش يولي يرجعكم يلا بغيتي ترجع خصك تنوض فصباح بكري 7:30 تكون كتسنا بيكوب ومنفوق هاد وقت راه مكيبقوش ويلا حتا مشاو ما عليك إلا تحرك رومبا ديال أجدير راك تلقا تما خطافا.

✓خصك تحضي مع القرودة راهم كيحلو طونط لمهيم ديو معاكم شي قفل ولا يبقا شي واحد حاضي لاطونط،ويلا مشاو شمو ريحة ماكلة بليل راهم يقدرو يهجمو عليكم.

ورضو بال منين تكونو طالعين جبل راهم يلوحو عليكم حجر.

✓من افضل تزورها فصل ربيع كاتكون خضراء بزاف وففي فصل شتاء كتكون رائعة بزاف لاكن كيكون برد.

✓كاين الخبز يلا بغيتها كيبعوها ب5dh ديال دار غا خصك تعلمهم قبل باش يديرو بحسابك متشربوش من بحيرة شربو من بئر رآه نقي واعر.

✓وأهم نصيحة هي خلي بلا صتك نقية وشي حجا جبتها ردها معاك

بعض صور لبحيرة تكلمامين