حمام الشعابي - طراجي حمام الشعابي

| Hamam cha3abi

حمام الشعابي أو (شاطىء شعابي) يعتبر من بين اجمل شواطىء لي كاينين فالمغرب والوحيد لي مافيهاش الأختلاط ومعرفينوش بزاف ديال ناس.

هاد البحر تابع لجماعة الكبداني إقليم الدريوش علي طريق الساحلية بين الناضور 50km والحسيمة 75km.

وهو جامع بين شاطىء وحامة دافئة, الحامة عبارة عن مسبح صغير يصل عمقها إلي 60cm يتدفق إليه المياه الدافئة من أعماق الجبل الذي يعلو فوق سطح البحر حوالي 100m وهي ذات صبيب كبير ،دائمة الجريان، أما بالنسبة المياه فهي صالحة للشرب بعد ساعة من وضعها في قنينة تفقد عدوبتها بسبب ارتفاع نسبة ملوحة، ومعروف عند ناس ديال الريف أنه كيشافي علي بزاف ديال الأمراض(والله و أعلم).

بالنسبة لي سائق السيارة بلا متعطل فالماء سخون حيت داك لماء كيرخي وكيجيب نعاس.

أما بالنسبة لشاطئ فهو يبعد عن حامة بأمتار قليلة وهو الوحيد في المغرب لي مقصمين فيه (التبحيرة) يعني الدخول ليه كايكون بتوقيت النساء لوحدهم والرجال لوحدهم.

_الرجال من 2 صباحا إلي 2 زوالا

_أما الرجال من 2 زوالا إلي 8 صباحا

ويوم الجمعة خاص للرجال

سبب تسمية بحمام الشعابي

سموه بهاد سمية نسبة لواحد راجل سميتو شعيب كايقولو بلي هو لي كتاشف هاد المكان والماء الطبيعي ديالها وأغلبية لي كايمشيو ليه باش يستحمو بداك الماء الدافئ لي كيخرج من وسط الجبل هاد لبلاصة ضيقة بزاف بناوها ناس منطقة غير بالحجر بحال شي جاكوزي (jacuzzi).

سبب تقسيم سباحة في حمام الشعابي

سبب تقسيمه هو ضيق المكان من، والطاقة الإستعابية ديال المكان صغيرة بزاف والا خلوها للعموم غادي ترون، وهاد القضية دارت علي قبل الحمام ماشي البحر يعني المرأة لا يمكن لها تحمم فوسط الرجال ورجال كذالك.

وكانضن علاش خلاو نهار الجمعة للرجال حيت أغلبية اسواق ما كيخدموش داك نهار (الخضارة،الصيادة...).