طراجي جبهة

طراجي جبهة

الجبهة هي واحد بلدة صغيرة تابعة لإقليم شفشاون وبعيدة علي الحسيمة ب 110km وتطوان ب 125km وقريبة لسطيحات.

شواطئ جبهة جد رائعة ومزال محافضة علي رونق ديالها وكتعتبر نقطة لجذب السياح سواء من داخل الوطن أو من خارجه لأنها جد خلابة سواء من ناحية صفاوة شواطئها أو سباحة ،وكدالك الصيد.

كتميز أيضا ب 4 ديال الشواطئ لي نقيين بزاف والماء فيهم صافي كالمرسدار،مونيكا 1،مونيكا 2، وشاطئ الحواض

مدينة جبهة ملي كتوصل ليها كتلقا مرسي وبلايا عادية وشحال من واحد كيسحبو هديك هيا جبهة لاكن وراء جبل يوجد 4 شواطئ رائعة وخلابة

طراجي شواطئ الجبهة

يلا بغيتي تمشي هاد لبحر خصك تمشي من تطوان كتشد طوبيس ب 7dh واد لاو ولا طكسي كي كتخرج من محطة كتقطع طريقا كتطلع كدور علي يدك ديال يمين كتلقا محطة ديال واد لو من بعد توصل واد لو كتشد طاكسي لجبهة ولا تقدر دير أطوسطوب راه موجود نقل لي كيديو لجبهة ولا تقدر تمشي من تطوان حتي لجبهة فكار بشي 40dh كاين شي بحورة فطريق بحال تارغة وقاع اسراس حتهما وعرين

منين كتوصل لجبهة علي ليمن مور جبل كاين مرسدار ومونيكا 1و2 شواطئ شويا صغرين ومن بعد كتلقي شاطئ لحواض شاطئ كبير واعر، تقدر تمشي ليهم برجليك ويكملك تمشي فلوكة ولا مشيتي علا رجليك ولقيتي راسك عيتي يمكلك ترجع فشي فلوكة موجودين كيرجعو خاوين تقدر تفاهم معاهم فالتمن.

ويلا بغيتي تمشي معا فلوكة من لول كيبدا تمن من 20dh يلا كان كيعمر بنادم ويلا كنتو كروب يمكلكم تفهمو علي تمن بشي 150dh نتوما وشطارتكم وعلموه باش يجي يرجعلكم كيدير بيك دورة علي شواطئ كاملة وكيدخل بيك حتا لمغارة عبد الكريم خطابي.

وأخيرا شاطئ الحواض لي عبارة عن بحر صخري كامل حجر بيضوي متناسق كاين لي مولف برملة مغديش يجيه واعر من حيت مكيساعدش علي جلوس وحتا تمدد، لاكن شاطئ كيبقي جد متميز لما يتوفر علي مناضر خلابة ومكيمنعش أصحاب سباحة والغوص وإستمتاع بمياه الصافية لأنهم بختصار معجبون بإستتنائيته وتميزه عن باقي الشواطئ.

شاطئ جبهة مكيخلوكش تطونتي حيت بلاصة فيها عسكر بزاف ولكن يمكلك تبعد علي بحر وطونتي ولا تفاهم معا عسكر راهم يخليوك

منين دوز علي شاطئ مرسدار ومنيكا تمشي واحد نصف ساعة علي رجليك تلقا كومبينك جا حدا ديور ناس لي ساكنين تما لي بغيتها يجبوهلك.

وكاين أوطيل اسمو عند المامون جا قبالت المرسي لكن ضروري حجز من قبل حتا يلا بغيتي تكري كاين كراء كيبدا من 200dh

بالنسبة لي عندو سيارة راه طريق شويا مكرفصة وخصوصا سيارة يلا كانت حادرة .