طراجي شواطئ داخلة(صحراء)

طراجي شواطئ

داخلة(صحراء)

الداخلة أو شبه جزيرة مالديف كتعتبر من بين أجمل مدن الساحلية عدراء وكدالك شواطئها جد رائعة ولا زالت نقية لاكن متل هده أماكن رائعة ساحرة كيكتشفوها أجانب أكتر من مغاربة نضر لتوفرهم علي إمكانيات مادية أو أشياء أخري.

طراجي داخلة هو من بين أحسن وأسهل طراجيات لي تقد دوز فحياتك رغم طريق طويلة جدا وكدالك تنقل قليل شيئ ما

تتوفر داخلة علي عدة شواطئ جميلة متل شاطئ "25" وجزير تنين ، لعكروب،بورت ريكو،منبع كبريت وغيرها

طريق أو طراجي باش تمشي داخلة كل واحد ومنين كيشد طريق كاين ليكيمشي من مراكش مرورا بصويرة أكادير ،كزيرة،طانطان،أخنفير،لعيون،داخلة

وكاين لي كيبدا من أكادير وكيمل بعتبرها أقرب نقطة لصحراء شرقية .

طراجي شواطئ داخلة

يلا بغيتي دير طراجي شواطئ داخلة فكاين جوج مسالك

✓طراجي 1

كتبداه من مراكش يلا مشتي جبل توبقال وبغيتي تكمل لصحراء كتنزل مراكش كتستارح من ديك عياء ديال جبل شي يومين ومن بعد كتشد طريق من مراكش لصويرة وكدير صطيبا كتلقا طرنسبور كتوصل لصويرة إما ترتاح شي يومين ولا كتر فصوير عاد تحرك ولا تكمل نشان علا حساب شحال ديال وقت باغي دير فطراجي ديالك مهم صويرة واحد مدينة لي وعرا بزاف وحتي شوطئ ديالها نقية ورائعة ومن تم كتمشي أكادير مبين صويرة وأكدير كاين بحر سميتو امسوان واحد بحر لي واعر نتحدت عليه فمواضيع قادمة

كمعلومة هاد البحر مفيهش عواد دروري تكون عندك قنية غاز ولا فاخر تشروه ب 7 دراهم بالنسبة لماء كاينا سقاية ب 10 ريال لقرعة ولا تشريه من حانوت وحتا خضرا كاين تما من بعد تشد طريق "لكزيرة"مرورا علي أكدير هنا تقدر تحنسر فصطيبا تقدر تمشي بزاف علي رجليك

عاد تلقا لي هزك كتمشي من أكدير لتيزنيت من بعد كتشد طريق ساحلية مرورا علي أغلو

وتفراوت حتي كتوصل لكزيرة حوانت كاينين فلكزيرة خضرا قلال ويلا كان عندك وقت سير سيدي أفني فيها ميتشاف

من وراء لكزيرة كتشد طريق لعيون مرورا علي بوابة صحراء كلميم تم طانطان وأخفنير لي بعيدة علي عيون ب 190km ومن أخفنير لعيون كاين رموكات وكميونات بزاف كيدرو داك طريق يلا بغيتي ترتاح فالعيون لعيون ناس ديالها واعرين وكرم وجود وغادي تولي تشد طريق لداخلة

منين توصل لداخلة تحس بواحد شعور لايوصف .

غادي تمشي "25" داير بحال واد معروف عالميا كيجولو أجانب باش يديرو"كايت سرفين" حوانت والو تقدو من داخلة عواد تهما مكينينش درو حسابكم كاين واحد جزيرة ف 25 سميتها جزيرة تنين منين يرجع ماء خصكم تمشيو شوفها واعرة .

كاينين بزاف أماكن أخري واعرة بحال بورت ريكو،العركوب،منبع الكبريت...

✓ طراجي 2

كتشد طريق من أكدير لتزنيت إلي كزيرة حتي مير اللفت هاد بلايص متقاربين وكاين طرنسبور فيهم وكاين ميتشاف من بعد إيفني لمدينة كلميم طريق بين كلميم وطانطان يمكلك ترتاح فواحد بلاصة سميتها أمليل ومن تما تشدو طرنسبور لطانطان كتجيب دورة وتحرك للوطية لي بعيدة بشي 20km كاين طاكسيات كيديو ب 15dh

رتحو شي نهار تما ومن تم تشدو طريق لوادالشبيكة ولا جماعة الشبيكة بين طانطان والعيون كاين 300km وبناتهم كاين فيلاج سميتو أخفنير من طانطان 130km ومن أخفير لعيون 170km بين طانطان وأخفنير كاين ودان فيهم قناطر علي طريق وطنية رقم 1.

أخفنير كاين حوانت يلا بغيتو تقدو لي بغيتو وكاين طرونسبور مابين أخفنير ولعيون كاين 3 مقاطع رملية مقطع اخنيفيس مقطع سبخة تازغة ومقطع أودري فطريقكم لعيون يمكلكم تمشيو لطرفاية لي قبل من لعيون بشي 100km وتحركو أيضا لبحيرة نعيلة تسمتعو بجمال

أمتزاج الصحراء مع بحر وكاين كالم من تم للعيون ترتحو فيها ومن بعد تمشيو شاطئ فم لواد ممكن تباتو فيه وتقدرو تمشيو مدينة مرسي وهي منطقة صناعية فيها كاين ميناء ديال عيون وبعيدة علي عيون حوالي 30km من تما غادي تحركو لبوجدور

بين لعيون وبجدور كاين 200km كاين حوانت سطسيون وجامع توصلو بجدور تحركو شاطئ أوزوالت وشواطئ أخري رائعة من تم لداخلة شي 345km وهي مسافة طويلة كاين فطريق قهاوي ومنين تقربو داخلة كاين شواطئ واعرة شاطئ 28،شاطئ 25،وشاطئ أم لبوير،وساريج سخون فيه ماء كبريت،وشبه جزيرة داخلة كلها شواطئ ومتنساوش جزيرة تنين بعيد ب 25km علي داخلة وممكن أيضا تمشيو لهضبة رملية سميتها la dune blanche رملة داخلة فلبحر واحد منضر واعر يمكن لكم تمشيو للعركوب بعيدة علي داخلة ب 80km وكدالك سبخة إمليلي بعيدة تقريبا بشي 130km كاي فيها ضايات مالحة وسط سحراء وفيها حوت واحد منضر جد رائعة.

بعض نصائح مهمة ستفيدك إدا كنت تريد دهاب إلي داخلة